NTHIMO 1000 sya AKAMBA

Description

Mũmbany’a wa nthimo ii nĩ Jones Maweu wa Kaleli ũla nĩ mwana wa Pastor Elijah na Grace K. Kĩvĩndo. Kĩvalo kyake kya kũsyawa nĩ ũtũinĩ wa Kĩlĩa, Kĩlũngũ location Makũeni County. Nĩwaendie Inyokonĩ Primary school mwaka wa 1956, na ĩtina asomea Kĩlũngũ High School vandũ va myaka ĩlĩ (i.e. 1967 – 1968) na mwaka wa 1969 – 1970 nĩwasomeie Sukulunĩ wa Thomeandũ Secondary School.

Nĩwasomeie Diploma ya Theologia vau Scott Theological College (vala ũmũnthĩ vetawa Scott Christian University) kuma mwaka wa 1972 – 1975. Nĩwatwaanĩthiw’e ena Miss. Jeddy K. Mũtukũ mwĩĩtu wa Pastor Josiah na Anna Mũtyandĩa nĩ Bishop Wellington Mũlwa mwaka wa 1975. Vamwe na kĩveti kyake nĩmathȗkȗmie ta alimũ Pwani Bible Institute nata pastor na atavany’a ma ũvoo wa Ngai vau Africa Inland Church Tudor Mombasa (1976 – August 1977). Kwĩ mwaka wa 1977 Pastor Kaleli nĩwatũmiwe vamwe na andũ ma nyũmba yake nĩ Ikanisa ya AIC Pwani Regional Church Council ĩvinda ya ũtongoi wa Bishop wa AIC Kenya Rev. Wellington Mũlwa nĩkana maende makasomee United States of America.

Pastor Kaleli nĩwasomeie sukulunĩ wa Columbia International University, South Carolina (B.A.); Denver Theological Seminary, Colorado (M.A.) na Fuller Theological Seminary, California (M.A., M. Div., & Ph.D.) Kĩveti kyake Inyiaa Mumo onake nĩwasomeie Scott Christian University (Dip.Th.), Columbia International University, South Carolina (B.A.); Fuller Theological Seminary, California (M.A.) na Liberty University, Virginia (D. Min.).

Kwĩ mwaka wa 1982 Ikanisa yũmbanĩte AIC Mũkaa, Pastor Jones M. Kaleli nĩwanengiwe ordination ya kũtw’ika Kasisi wa AIC Kenya nĩ Assistant Bishop Rev. John Odaa. Kuma mwaka wa 1985 – June 1988 Rev. Dr. Jones Kaleli nĩwathũkũkũmie ta Pastor wa AIC Ziwani, Nairobi.

Kwa ĩvinda yĩ mbee wa myaka mĩongo ĩlĩ Rev. Dr. Jones Kaleli nĩwathũkũmie na President wa keli wa nthĩ ya Kenya Mũkumw’a His Excellency Daniel T.arap Moi. Kuma mwaka wa 1988 – 2002 nĩwathũkũmie ta Pastor/Chaplain wa Moi High School – Kabarak, Nakuru, Kenya. Na kuma 2002-2005 nĩwathũkũmie ta Mũtongoi wa maũndũ ma kĩveva ta founding Provost of Kabarak University na itina kuma 2013 – 2017 President D. T. Moi nĩwamũnyuvie na amũnenga ũkũmũ (inaugurated) wa kũtongoesya Kabarak University ta 4th Vice Chancellor. Ivindanĩ yĩĩ Professor Jones Kaleli nĩ mwalimũ sukulunĩ wa Liberty University, Virginia, USA vala masomethasya vamwe na kĩveti kyake Dr. Jeddy Kaleli. Yeova Ngai nũmaathimĩte na syana inya na esũkũe mũonza.